注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

wInG's Torso

照片里拍生活,文字里谈爱情

 
 
 

日志

 
 
关于我

在不常执笔的年代,坚持用简短的文字记录生活,以图片作为记忆点,将日子串连。或精彩,或平淡,或快乐,或悲伤,却真实。

网易考拉推荐

广州係边度?  

2010-06-04 01:25:48|  分类: 随想 |  标签: |举报 |字号 订阅

  下载LOFTER 我的照片书  |

广州係边度? - 陈小wInG - wInGs Torso

  

     係呢一年里面,睇住广州不断咁变,我用相机影过留抵过一D画面。

     但画面难以表达嘅係一份广州人嘅心情。

     呢一年,周不时係内环路奔驰,睇住城市嘅蜕变。

     呢度变得五颜六色,异国风情,但冇一个形容词係真正属于广州。

     以前嘅广州係点?

     我呢个80后都只可以讲,我只係喺小学毕业之前见过,之后佢就一直係咁係度变。

     细个嘅时候,会同阿妈坐电车去朝天路。果时嘅电车冇空调,D凳係木,车厢中间嘅连接位係用厚厚嘅帆布做成,每次落大雨之后都会发出少少臭味。但细嘅时候坐电车就好中意企係果度,因为连接位中间个大圆盘好好玩,仲可以透过旁边嘅空隙睇到路面。宜家想理解下点解果度好玩,就唯有坐地铁嘅时候先可以微微体会翻。

     仲记得果时嘅朝天路,有间好旧嘅布店。阿妈话解放前就已经有。以前阿妈成日带我去果度拣布、买“冷”做衫。细嘅时候好不屑呢D野,宜家反而好怀念。果个年代嘅女人,个个都係服装设计师,冇边个唔识针织。想见识唛叫布店,可以去嘅就係隔离再隔离省嘅厦门。

     小学毕业之前嘅广州,即係1998年之前,广州成日都会出现停电。呢下停电可以嚟得好突然,尤其係夏天嘅夜晚可以话冇电就冇电。果时其实我已经住咗係小区里面,不过多得呢D停电。令到成栋楼嘅人都会有交流,唔至于大家计都未倾过。点解?因为果时一停电,全栋楼D人就会落晒楼下,坐係凉亭度,透凉同吃雪糕,细蚊仔有时仲会係度玩下蜡烛,然后第日翻学仲可以同老师讲冇交功课嘅原因係因为冇电。

     呢D野……呢D所有野,生活係果个年代嘅人,包括当时嘅我,都好想一切可以改变,变得更美好,唔会再冇电,坐公车唔会再汗流浃背,唔使再着阿妈整嘅几乎每件一样设计嘅衫。好啦,呢D愿望宜家都实现晒……广州有几耐冇停过电,广州宜家有边部车系冇空调,宜家就连古董嘅107都开始改为空调车。我哋嘅城市一日一日咁係度变,生活係呢个城市里面嘅人,生活质素好似变得越嚟越好,我哋好洋化,知道咖啡係唛味,知道imax电影院超大屏幕到底有几大,但我哋开始唔知道中国茶係唛味道,粤剧到底又係度唱紧唛。

     D话人,我哋呢D 80后太中意怀旧,只係证明我哋开始变老,就好似我哋旧时成日听阿爸阿妈讲旧时咁。我开始係度谂,到底呢D所有嘅情怀真係仅仅因为我哋开始变老,定係因为当年我哋父辈或更老嘅一辈冇一个渠道俾佢地去表达、去反对一切破坏式嘅改造?定抑或古往今来改造广州嘅始终都仲係广州人,冇宜家咁过分呢?呢D野,冇人讲得清。

     但点解一个有2000几年文化嘅城市,地道嘅广州人想去回味广州要去嘅係隔离再隔离省嘅一个城市,而唔係呢度脚下嘅城市?点解为咗一个为期只有半个月嘅亚运将广州翻天覆地,连一条完整嘅路都唔俾广州人去行呢?点解一个广州人对住一个海归翻嚟嘅华侨会讲:“你早咗翻嚟啦,你出年先翻广州,呢度就会好靓。”唛叫做好靓?好靓就係一栋栋结构几乎一样,颜色唔同高度唔同嘅大厦、商品房?咁果个华侨仲使唛翻嚟广州,全中国、全世界发达嘅城市都一样架啦。

     广州之所以为广州,除咗係中国南方对外贸易嘅重要枢纽之外,除咗係个经济城市之外,仲要係一个有历史嘅城市先係广州。点解唔随便填一个海起一座城市叫佢做广州,因为广州呢个名一早俾呢块土地用咗,用咗2000几年。宜家一班攞住钱嚟嘅人,中意将呢度话改就改话拆就拆,然后贪得就贪,好似普通话咁要呢度嘅人强迫性日常交流都要使用,唔係就叫歧视……我话其实呢D係呢班人对广州人意志、文化嘅强奸。凭唛要去擅改呢座有2000几年历史嘅城市,将广州人嘅集体回忆删除,变晒清一色嘅集体城市啊!

    

 

 

 

 

  评论这张
 
阅读(205)| 评论(36)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017